إرشادات مقترحات البحث معلومات خط الزمن الفهارس الخرائط الصور الوثائق الأقسام

مقاتل من الصحراء

     



(تابع) كلمة الرئيس أنور السادات رئيس الجمهورية أمام القوات المصرية في أثناء زيارته للجبهة

       لكن أملهم دلوقت يقعدوا في حدود 4 يونيه..

       قدم الاتحاد السوفيتي الكثير.. أنا قلت لروجرز حانسلم دولة للأجيال القادمة مبنية على العلم علشان محدش يفكر يعتدي عليها وعلشان ميكونش أولادنا شعب من اللاجئين.

       الحمد لله..

        بعد 4 سنوات الصورة مشرقة أمامنا والصورة قاتمة قدامهم.. البناء عندنا في كل ناحية العسكري والسياسي والاقتصادي. الدولة الحديثة في كل اتجاه البناء ماشي وربنا بارك لنا في محاصيلنا ولسة حايطلع كثير إن شاء الله.

       حنواجه معركتنا.. مش معنى كلامي أنني بأقلل من الخسائر والتضحيات.. لازم نكون كلنا جاهزين ومستعدين للتضحيات مستعدين نقدم مليون شهيد ولن نتزعزع ولن نتراجع ولن ندخل في مساومات. لن نفرط في أرضنا ولا في شرفنا.

       لازم نكون واعيين.. احنا داخلين على معركة في غاية الشراسة لازم تثبتوا لهم.. أنا عارف احنا مشتبكناش معاهم ولما نشتبك عاوزكم توروهم أنتم مين. عاوزين ناخد من هزيمة 1967 نقطة انطلاق لبناء الدولة الحديثة بناء قوي وعلى أساس متين.

       الاتحاد السوفيتي انضرب ضربة أليمة سنة 41 ووصل النازي إلى مسافة 15 كيلو من موسكو. اعتبر الروس ده نقطة انطلاق وأصبح الاتحاد السوفيتي الآن من أكبر قوتين في العالم. علشان نبني بلدنا ونستفيد بالعلم والتكنولوجيا الحديثة بتاعة القرن العشرين ونقيم قاعدة من الصلابة والأصالة والقوة لازم نجعل هزيمتنا نقطة انطلاق ولا نقف في الطريق. لن اسمح أن نتخلف أبداً والله سبحانه وتعالى يتولاكم ويرعاكم وأنا فخور بكل واحد فيكم. وأنا بكل كياني مع كل فرد في خندقه وحأكون معاكم هنا باستمرار.


<5>