(تابع) خطاب الرئيس أنور السادات، في مؤتمر سياسي بمدينة طنطا

        ايمان بأننا لا نسلم، وأشرف لنا أن نموت وإحنا بنحارب ورقبتنا عالية أشرف من الاستسلام.

        المادة والتعقيدات، عايزين نرمي كل ده على جنب، إحنا داخلين على معركة حياة أو موت في 9 و 10 يونيه، وإحنا حطام وقفنا في نوفمبر 67، وكان جمال عبدالناصر يخطب وركب عربية مكشوفة والشعب حواليه، رغم ضرب الطائرات والقنابل. القوة دي منين؟ دي قوة لا يستطيع أحد أن يشاركنا فيها، وبعون الله سننتصر. كل شي، الحرب الإلكترونية سنتزود بها ونتعلمها، واتعلموها أولادنا، وأحدث أنواع الأسلحة، كل ما في الحرب الحديثة من علوم. ولازم أقرر إن الاتحاد السوفيتي بكل شرف وأمانا يعطينا كل شيء، مش زي الأمريكان بيقولوا إن الوجود السوفيتي جاي يحتل البلد.

        إحنا مش عايزين الوصاية من أحد، أنا بأقول الكلام ده للأمريكان. إحنا بلغنا الرشد وعارفين الذي ينفعنا ولا ينفعنا، وكل محاولة للتشكيك ضد الاتحاد السوفيتي تعتبر خيانة، وكل هدف أمريكا هو محاولة التوقيع بيننا وبين الاتحاد السوفيتي، ويجب ألا نستجيب لذلك.

        في القرية عندنا لما حد يموت، كل واحد بيجيب صينية لأهل الميت. والاتحاد السوفيتي في ميتم جمال جاب الصينية وجه، كانت هناك تعاقدات لن تنفذ إلا في عام 1971، جابها على الصينية في عام 1970 علشان يقول أنا وياكم.

        وكانت أمريكا تشن علينا الحرب، مصر وصواريخ مصر. انتهزوا فرصة مأتمنا وإعادة ترتيب بيتنا، انتهزوها وكادوا يقيموا العالم علينا، إن مصر خرقت وقف إطلاق النار، أما عدونا إسرائيل ده مش مهم!! سافر رياض وهزم أمريكا وذكر العالم إن القضية قضية عدوان وإننا بندافع عن حقوقنا.

        آدي اللي عملوه الأمريكان في الميتم، وآدي اللي عملوه السوفيت في الميتم.

        وزي ما قلت لرجال الإعلام من يومين بأننا لا نسمح الآن بأي ئشكيك في علاقتنا مع السوفيت، لأن هدف أمريكا هو التوقيع بيننا وبينهم.

        وإسرائيل أخذت 500 مليون دولار من أمريكا.

        وفي رحلة علي صبري كان نفسي أقول تفاصيلها، ولكن الوقت جاي.

        لازم نكون على بينة من عدونا ومن صديقنا، لا تخافوا من أي شيء، لم يعد هناك شيء يخوفنا إطلاقا، أمرنا في أيدينا، وبرغم الحزن وقفنا وبنينا دولتنا ونظامنا. لم أحتاج طول الفترة الماضية إلى أخذ أي إجراء استثنائي واحد، حاجات كثير جدا كان جمال الله يرحمه عايز الوقت لتنفيذها، وأنا الآن أنفذها، زي تصفية الحراسة. أنا ما عملتش حاجة من عندي، جمال اتخذ قرار تصفية الحراسة، ولكن لم يكن عنده وقت لذلك.

<9>